Валер Булгакаў: Чаму зачыняецца «Белсат»
За апошні час давялося пачуць мноства вэрсій, чаму польскія ўлады махнулі рукой на «Белсат» (як раней на Праграму Каліноўскага).
Гаварылася, што гэта было наступствам нейкіх нарадаў з удзелам беларускіх аналітыкаў. Часта сьцьвярджалася, што гэта вынік змовы цяперашняга ўладнага польскага лягера з Крамлём.
Гучалі крытычныя галасы, што гэты крок абумоўлены нізкай эфэктыўнасьцю самога праекту. Падкрэсьлівалася новая геапалітычная сытуацыя пасьля нападу Расеі на Ўкраіну ў 2014.
У гэтых ацэнках, магчыма, і ёсьць доля праўды, але на маю думку яны ігнаруюць асноўную прычыну: поўны каляпс апазыцыі (дэмсілаў) на апошніх прэзыдэнцкіх выбарах.
Пазіраючы звонку, выбары і іх вынік паказвалі, што дэмакратычна арыентаваная меншасьць у краіне змаргіналізаваная і ня здольная заявіць пра сваё месца ў публічнай прасторы.
Самі дэмакратычныя палітыкі разьяднаныя, і месца кандыдата ад дэмсілаў займае чыста тэхнічны пэрсанаж, чыя наяўнасьць лішні раз выпукляе кіраванасьць і імітацыйнасьць гэтага палітычнага працэсу.
І «Белсат», і Праграма Каліноўскага былі створаныя ідэалістычна настроенымі польскімі палітыкамі пасьля ўздыму, якога дабіўся Мілінкевіч у 2006, у знак салідарнасьці з тымі, хто адважыўся на пратэст. Выбары 2015 году засьведчылі, што на пратэст беларусы ўжо няздольныя. Акурат гэта, а не сацыялягічныя апытаньні і колькасьць праглядаў на Ютубе, выразна паказала: у краіне адсутнічае суб'ект, варты салідарнасьці, клопату і інвэстыцый.
Калі беларусам і так добра, дык навошта ім «Белсат»?
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары