Найлепшым футбольным клюбам сьвету ў ліпені названы барысаўскі БАТЭ. З 173-га месца каманда ўзьнялася адразу на 93-е!
Найлепшым футбольным клюбам сьвету ў ліпені названы барысаўскі БАТЭ. З 173-га месца каманда ўзьнялася адразу на 93-е! Пра гэта сьведчыць сусьветны рэйтынг футбольных клюбаў, які сёньня быў абноўлены Міжнароднай фэдэрацыяй футбольнай гісторыі і статыстыкі.
Нагадаем, такому посьпеху барысаўцаў паспрыялі іх тры перамогі ў кваліфікацыйных гульнях Лігі чэмпіёнаў, асабліва апошняя — над знакамітым бэльгійскім «Андэрлехтам» на полі суперніка. Пакрыўджаны барысаўскай камандай бэльгійскі клюб па выніках ліпеня застаўся на 35-м месцы.
Першая дзясятка найлепшых футбольных клюбаў сьвету ў ліпені 2008 году выглядае наступным чынам:
1-е месца (1-е) Манчэстэр Юнайтэд (Вялікабрытанія)
2-е месца (4-е) Глазга Рэйнджэрз (Шатляндыя)
3-е месца (2-е) Чэлсі (Вялікабрытанія)
4-е месца (3-е) Баварыя (Нямеччына)
5-е месца (5-е) Барсэлёна (Гішпанія)
6-е месца (6-е) Рома (Італія)
7-е месца (7-е) Лівэрпуль (Вялікабрытанія)
8-е месца (8-е) Арсэнал (Вялікабрытанія)
9-е месца (9-е) Бока Хуніёрс (Аргентына)
10-е месца (10-е) Інтэрнацыянале (Італія).
Вышэй за беларускі клюб у табліцы разьмясьціліся расейскія піцерскі «Зэніт» (22/26) і маскоўскі «Спартак» (72/64), а таксама ўкраінскія данецкі Шахтар (40/36) ды кіеўскае «Дынама» (64/77).
Каментары