Каля 100 чалавек сабраліся на чарговы пратэст супраць інтэграцыі з Расіяй ФОТЫ, ВІДЭА
Чарговую акцыю пратэсту супраць інтэграцыі з Расіяй праводзяць у Мінску 29 снежня. Частка арганізатараў цяпер адбывае адміністрацыйны арышт.
Сустаршыня Беларускай хрысціянскай дэмакратыі Павел Севярынец заклікаў сабрацца ў нядзелю, 29 снежня, а 12-й на Кастрычніцкай плошчы і прайсціся шэсцем па праспекце да станцыі метро «Маскоўская» і вярнуцца назад.
Сам Севярынец, які заклікаў на гэтую акцыю, цяпер за кратамі.
Агулам «на сутках» за акцыі супраць інтэграцыі 7, 8, 20 і 21 снежня 6 апазіцыянераў.
У сваю чаргу аргкамітэт «Кампаніі ў абарону незалежнасці» прапанаваў усім ахвотным замест шэсця ўстаць у «жывы ланцуг».
Удзельнікаў сёння мала. На Кастрычніцкай плошчы сабраліся каля 100 чалавек. Есць некалькі бел-чырвона-белых сцягоў. З палітыкаў прысутныя Вольга Кавалькова, Вячаслаў Сіўчык, Мікалай Казлоў.
Людзі проста стаяць: хто прыйшоў адзін — той адзін і стаіць, хто са знаёмымі — гурткамі.
Удзельнікі прынеслі фотаздымкі тых, каго пасадзілі на суткі за ўдзел у акцыях супраць інтэграцыі, і запатрабавалі іх вызвалення.
Перад прысутнымі выступілі усе ахвотныя ў фармаце «адкрытага мікрафона».
Пазней удзельнікі акцыі пайшлі кароткім шэсцем уздоўж праспекта Незалежнасці ў бок плошчы Незалежнасці. Вячаслаў Сіўчык выгуквае імёны зняволеных палітыкаў і разам з пратэстоўцамі патрабуе ім свабоды. Калона гукае «Жыве Беларусь» і «Далучайся».
Цяпер чытаюць
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў2
Каментары