Атрымаць да 10 тысяч рублёў можна проста ў клініцы — пасля кансультацыі ўрача-рэпрадуктолага. Незвычайная растэрміноўка павінна «палегчыць парам доступ да магчымасцяў дапаможных рэпрадуктыўных тэхналогій і дапамагчы спазнаць радасці мацярынства».
У дадзены момант яе можна аформіць у клініцы рэпрадукцыі і генетыкі Evaclinic IVF. Грошы выдзяляюцца на тэрмін да 6 месяцаў з магчымасцю датэрміновага пагашэння. Максімальная сума — 10 тысяч рублёў.
Падаць заяўку на афармленне растэрміноўкі можна адразу пасля кансультацыі ўрача-рэпрадуктолага. Для разгляду заяўкі дастаткова пашпарта, рашэнне прымаюць цягам 30 хвілін. Аформіць растэрміноўку на сябе можа і муж, калі, скажам, яго спадарожніца недастаткова крэдытаздольная.
Пасля праверкі банк заключае крэдытны дагавор і перакладае грошы на рахунак медыцынскай установы. Працэнты па растэрміноўцы не налічваюцца. Увесь працэс афармлення растэрміноўкі і заключэння дагавора адбываецца наўпрост у клініцы — наведваць банк для гэтага не патрабуецца.
«Экстракарпаральнае апладненне — досыць дарагая магчымасць, таму многія прыцягваюць грошы банкаў. Часта для гэтага трэба ісці ў банк і рыхтаваць дакументы. Мы ж вырашылі прапанаваць растэрміноўку на ЭКА па максімальна спрошчанай схеме і без пераплаты, каб кожная дзяўчына магла дазволіць сабе стаць мамай, нягледзячы на абставіны», — каментуе начальнік аддзела па супрацы з партнёрамі дэпартамента сеткі продажаў Банка Дабрабыт Вольга Саўчук.
Акрамя ЭКА, растэрміноўка дзейнічае на праграмы вядзення цяжарнасці. Яны ўключаюць у сябе больш за 20 наведванняў да акушэра-гінеколага, лабараторныя аналізы, сеансы угд-дыягностыкі і іншыя медыцынскія даследаванні.
Нагадаем, ЭКА — адзін з метадаў лячэння бясплоддзя, прычым найбольш складаны і матэрыяльна затратны. Часцей за ўсё да яго звяртаюцца, калі ўсе астатнія спосабы ўжо паспрабавалі, і яны не далі жаданага выніку. У Беларусі першае дзіця, якое зачалі шляхам экстракарпаральнага апладнення, нарадзілася ў 1995 годзе.
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў3
Каментары