У 42-гадовай магілёўкі невядомы скраў ванну коштам 426 рублёў 14 капеек. Прадмет інтэр'еру знік пасля таго, як жанчына выставіла яго на некалькі дзён з кватэры на лесвічную клетку пад'езда аднаго з дамоў. Занятая іншымі справамі, жанчына не паспела перавезці ванну ў іншае месца: у адзін з дзён яна бясследна знікла, паведамляе міліцыя.
Да здарэння, верагодна, датычны 41-гадовы рабочы адной з арганізацый горада, які заўважыў ванну, якая стаіць на лесвічнай клетцы без нагляду. Некалькі дзён мужчына заходзіў у пад'езд, каб пераканацца, што ванна па-ранейшаму на месцы. Пасля назіранняў ён, незаўважаны жыхарамі дома, вынес яе з пад'езду і здаў на метал, а атрыманыя за продаж чужой маёмасці грошы патраціў на асабістыя патрэбы.
Зараз выкрадзенае канфіскавалі. Завялі крымінальную справу.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары