У Светлагорску з чацвёртага паверха выпала дзіця. Хлопчык з цяжкімі траўмамі ў бальніцы
У Светлагорску 17 мая прыкладна ў 20:40 з балкона кватэры на чацвёртым паверсе выпала трохгадовае дзіця. З цяжкімі траўмамі дзіця шпіталізавалі, піша СК.
Устаноўлена, што ўчора ўвечары малы разам з бацькам і двума сёстрамі 5 і 8 гадоў быў дома.
Па словах мужчыны, прыкладна ў 20:30 ён пакінуў дзяцей адных і на непрацяглы час сышоў у краму. У гэты час хлопчык выйшаў на балкон, забраўся на столік, які стаяў каля адчыненага акна і выпаў на вуліцу. Паведамленне медыкам паступіла ад жыхаркі кватэры на першым паверсе, якая пачула плач дзіцяці.
Праверку па гэтым факце праводзіць Светлагорскі РАСК.
Паводле наяўнай інфармацыі сям'я знаходзіцца ў сацыяльна-небяспечным становішчы. На момант здарэння маці разам з двухгадовым сынам знаходзілася на лячэнні ў Мінску.
Азаронак напісаў пра палітэмігранта — пасля гэтага брата і бацьку таго кінулі за краты2
Каментары