Стала вядомае імя вайскоўца, які пакінуў у разрабаваным доме ў Ірпені сваё фота
Міністр лічбавай трансфармацыі Украіны Міхаіл Фёдараў назваў імя і прозвішча расійскага вайскоўца, чыё фота знайшлі ў разрабаваным доме ў Ірпені.
Фёдараў сцвярджае, што чалавек на фота — Мікіта Траццякоў з Растова-на-Доне. Яму 26 гадоў.
На ягонай старонцы Укантакце — машыны, армія, напаўразбураныя будынкі і алкаголь.
«Рускасветная ідылія», — піша Фёдараў.
Жыхарка Ірпеня знайшла ў сваёй разрабаванай кватэры фота расійскага вайскоўца, зробленае на яе Polaroid. Яна вярнулася ў сваю кватэру, дзе тры тыдні гаспадарылі расіяне, і знайшла паламаны фотаапарат хуткага друку здымкаў. Пасля пад дываном яна знайшла фота акупанта.
Жанчына мяркуе, што расійскі вайсковец падумаў, што фотаапарат зламаны, таму кінуў і яго, і здымак, якому проста быў патрэбны час, каб праявіцца.
У Валерыі скралі больш за 10 залатых упрыгожанняў, але не забралі крыжыкі. Таксама забралі невялікія каштоўныя рэчы.
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары