У суботу, 16 ліпеня, мігранты зноў спрабавалі нелегальна патрапіць у Польшчу з тэрыторыі Беларусі. Пра гэта паведамляе прэс-служба Памежнай службы Польшчы. У Беларусь яны прыязджаюць праз Расію.
Усяго ў суботу нелегальна трапіць на тэрыторыю Польшчы спрабавалі 14 замежнікаў. Гэта грамадзяне Нігерыі, Ганы, Турцыі і Камеруна. Яны перасякалі мяжу на тэрыторыі памежных пастоў «Белавежа», «Чарэмха» і «Пласка».
Усе затрыманыя замежнікі, як сцвярджаюць польскія памежнікі, прыехалі ў Беларусь з Расіі.
За дзень да таго, 15 ліпеня, на тэрыторыю Польшчы з тэрыторыі Беларусі спрабавалі трапіць 23 чалавекі. Як удакладнялі польскія памежнікі, у замежнікаў былі расійскія візы. Відавочна, гаворка пра візы, якія дазволілі замежнікам патрапіць на тэрыторыю ЕАЭС.
30 чэрвеня Польшча паведаміла пра завяршэнне будаўніцтва плота на мяжы з Беларуссю. Яго даўжыня складае 186,25 км, на будаўніцтва спатрэбілася 49 тыс. тон сталі. Кошт праекта ацэньваецца ў 353 млн. еўра. Да сярэдзіны верасня плот плануюць абсталяваць электроннымі сродкамі: датчыкамі руху, відэакамерамі і цеплавізар.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону65
Каментары