Былы пасол Украіны ў Германіі хоча папрасіць прабачэння ў Шольца за «ліверную каўбасу»
Андрэй Мельнік, былы пасол Украіны ў Германіі, заявіў, што хацеў бы асабіста папрасіць прабачэння ў канцлера Олафа Шольца, якога ён назваў «пакрыўджанай лівернай каўбасой». Пра гэта дыпламат паведаміў у праграме BILD TV.
Былы пасол, праўда, адзначыў, што не ведае, ці атрымаецца ў яго асабіста сустрэцца з Шольцам, каб папрасіць прабачэння.
Пры гэтым Мельнік падкрэсліў, што, нягледзячы на жаданне выбачыцца, ён лічыць апраўданай сваю крытыку на адрас уладаў Германіі, якія ён папракаў у недастаткова актыўнай дапамозе Украіне.
«Часам, прынамсі ў мяне, складвалася ўражанне, што неабходна павышаць голас і, магчыма, таксама крытыкаваць. Без гэтага, я думаю, нямецкае грамадства, магчыма, не да канца ўсвядоміла б сур'ёзнасць моманту», — заявіў ён.
Канцлера Германіі Олафа Шольца Мельнік назваў «пакрыўджанай лівернай каўбасой» на пачатку мая ў адказ на яго нежаданне ехаць у Кіеў з-за таго, што перад тым там адмовіліся прыняць федэральнага прэзідэнта Германіі Франка-Вальтэра Штайнмаера. Пазней Мельнік адкрытым тэкстам паслаў да д'ябла нямецкіх інтэлектуалаў, якія выступілі з адкрытым лістом, у якім пісалі пра неабходнасць спынення падтрымкі Украіны і замірэння з Пуціным.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону65
Каментары