Расіяне перад Днём незалежнасці Украіны значна павялічылі колькасць ракетаносцаў у Чорным моры. Пра гэта паведаміла начальніца аб'яднанага прэс-цэнтра Сіл абароны поўдня Наталля Гумянюк у эфіры тэлемарафона, піша «УП».
«Мы назіраем, што яны [расіяне] істотна павялічылі колькасць ракетаносцаў у Чорным моры. У прыватнасці, з ракетамі «Калібр» іх цяпер 5, у тым ліку падводныя.
Выкарыстанне «Калібраў» гэтай ноччу можа быць пэўным знакам таго, што яны гатовыя іх прымяняць, нават нягледзячы на іх высокі кошт і не вельмі вялікую колькасць, якая там яшчэ засталася».
Гумянюк адзначыла, што расіяне будуць падцягваць сілы на Мікалаеўскім і Херсонскім напрамках, паколькі «крэпасць нязломнасці Нікалаеў, якая не дае прасунуцца на поўдні, ім вельмі не дае спакою».
Паводле даных ВМС Узброеных сіл Украіны, апошні раз 5 ракетаносцаў у Чорным моры фіксавалі 1 жніўня. Пасля гэтага пераважна іх было 2-3.
Прэзідэнт Уладзімір Зяленскі папярэдзіў, што на наступным тыдні, калі Україна будзе святкаваць дзень Незалежнасці, Расія можа ажыццявіць асабліва жорсткія дзеянні.
Работнікам устаноў, размешчаных ва ўрадавым квартале, рэкамендуюць з 22 па 26 жніўня працаваць дыстанцыйна з дому. У некаторых рэгіёнах уводзіцца працяглая каменданцкая гадзіна.
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе1
Каментары