Гродзенская журналістка выдала зборнік казак на беларускай мове. Яна прыдумляла іх для сваіх дзяцей
У Гродне адбылася прэзентацыя дэбютнай кнігі на беларускай мове «Домік добрай казкі» Вікторыі Карась. Пра мерапрыемства расказала grodnonews.by.
Вікторыя — прафесійная журналістка і шматдзетная маці. Пасля заканчэння кафедры журналістыкі Купалаўскага ўніверсітэта з 2008 года паспяхова працавала карэспандэнтам на тэлеканале «Гродна Плюс». Сёння ёй 34 гады, і яна — маці двух хлопчыкаў і дзяўчынкі. Менавіта дзеці падчас дэкрэтнага адпачынку натхнілі Вікторыю напісаць для іх свае ўласныя казкі на беларускай мове.
Вясной гэтага года Вікторыя Карась даслала свае казкі на другі літаратурны конкурс-стартап LitUp. У выніку яна стала адной з 12 пераможцаў і атрымала магчымасць выдаць сваю кнігу ў Беларусі за кошт дзяржавы тыражом у адну тысячу экзэмпляраў. Казкі Вікторыі апублікаваў выдавецкі дом «Звязда». Кніжку дапоўніла сваімі цудоўнымі малюнкамі гродзенская мастачка Таццяна Філіповіч.
У планах Вікторыі Карась — новыя казкі і новыя кніжкі. Паслухаць казачныя творы аўтара ў яе ўласным выкананні можна на YouTube-канале «Домiк добрай казкi».
-
Паэт Віталь Рыжкоў пра званне сэкс-сімвала паэзіі, батл з Найдзёнавым, Каржа і Ціханоўскую
-
Вольга Касцюк нарадзілася ў Радчыцку Столінскага раёна, а жыве ў Новай Зеландыі. Яе кніга напісаная на гаворцы, на якой яшчэ ніхто не пісаў
-
«У капцюрох ГПУ». Стагоддзе небяспечнай наіўнасці і дарэмных мараў беларускай эміграцыі
Каментары