Каля 20% беларускіх пенсіянераў працягваюць хадзіць на працу. Пра гэта на прэс-канферэнцыі ў Нацыянальным прэс-цэнтры паведаміла намеснік міністра працы і сацыяльнай абароны Марына Арцёменка.
«У эканоміцы краіны пасля дасягнення пенсійнага ўзросту працягваюць працаваць каля 20% ад агульнай колькасці пенсіянераў», — сказала Арцёменка.
Яна дадала, што больш за ўсё прафесіяналаў пенсійнага ўзросту ў навуцы, адукацыі, ахове здароўя і іншых сферах інтэлектуальнай працы, дзе вельмі цэніцца вопыт.
Усяго ў Беларусі жывуць 1,5 млн грамадзян, старэйшых за 60 гадоў. Яны складаюць 16% насельніцтва.
Нядаўна ў нашай краіне было завершана паэтапнае павышэнне пенсійнага ўзросту. У выніку цяпер жанчыны выходзяць на пенсію па дасягненні 58 гадоў, а мужчыны — 63 гадоў.
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў3
Каментары