Музыка, аўтар экстравагантных выступаў-імправізацыяў, Сяргей Пукст будзе весці музычную перадачу на канале «MTV-Беларусь». Паводле словаў музыкі перадача будзе ў форме гутаркі з музыкамі, якая будзе чарагавацца з уласнымі каментарыямі. Перадача, назва якой трымаецца ў сакрэце, будзе ісці ў вечаровым эфіры штопятніцу, з паўторам у нядзелю. На сённяшні дзень запісана 2 эфіры. «Буду запрашаць таго, каму каму ёсць што сказаць у музыцы», — кажа Сяргей Пукст.
Сяргей Пукст — герой музычнага андэграунду сталіцы: акрамя адметнай манеры выканання ў стылі, які ахрэсцілі «нігілістычны джаз», музыка вядомы сваімі нестандартнымі музычнымі ініцыятывамі. Дапрыкладу, не так даўно ён рэалізаваў відэапраект пад назвай «Хор мастакоў»: 60 беларускіх мастакоў хорам спявалі пра розныя фізічныя тэорыі. Пукст жа напісаў музыку і словы для гэтага дзіўнага хору. Цяпер Сяргей Пукст бярэ ўдзел у праекце «Тузін Гітоў. Перазагрузка», у якім вядомыя поп- і рок-выканаўцы, якія зазавычай спяваюць па-руску, выконваюць песню па-беларуску. Пукставы тэкст песні «Просто сталь» абеларушвае Андрэй Хадановіч.
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі5
Каментары