У Мінску жанчына выйграла суд у кавярні, у якой яе дзіця пашкодзіла хрыбетнік
Суд Цэнтральнага раёна Мінска часткова задаволіў пазоў жанчыны да кавярні, у якой яе дзесяцігадовае дзіця ўпала спінай на прыступку і пашкодзіла хрыбетнік.
Паводле судмеэкспертызы, хлопчык атрымаў пераломы двух грудных пазванкоў. Але гэтыя пашкоджанні аднеслі да катэгорыі менш цяжкіх і таму крымінальнай справы не заводзілі.
Аднак на рэабілітацыю дзіцяці — абследаванне, амбулаторнае лячэнне, наведванне басейна, заняткі з інструктарам, — давялося патраціць нямала грошай, і жанчына затрабавала ў кавярні добраахвотна кампенсаваць гэтыя грошы. А пасля атрымання адмовы звярнулася ў суд.
Патрабаванні жанчыны былі: 20 тыс. рублёў маральнай шкоды на карысць сына, а таксама 1166 рублёў 81 капейка кампенсацыі выдаткаў, звязаных з лячэннем і рэабілітацыяй, і 2300 рублёў, выдаткаваных на юрыста.
У судзе прызналі, што хлопчык паслізнуўся на мокрай падлозе праз няякаснае прыбіранне памяшкання падчас моцнага снегападу. Таму вырашылі, што кавярня не гарантавала бяспекі наведвальнікаў, і прадпісалі спагнаць з установы кампенсацыю. Праўда, толькі часткова: кавярня мусіць выплаціць 7 тыс. рублёў маральнай шкоды на карысць дзіцяці і 742 рублі 1 капейку, выдаткаваных на лячэнне, а таксама 1500 за паслугі юрыста.
Цяпер чытаюць
Чаго чакае Польшча ад Мінска і ці закрые зноў мяжу на гэтым тыдні?6
Каментары