У чацьвёрты раз беларускія музыкі паўдзельнічалі ў міжнародным конкурсе выканаўцаў-аматараў на XIV фэстывалі «Noc Bluesowa» ў польскім горадзе Рава Мазавецка. І другі год запар не засталіся без узнагарод: маладзюткі гітарыст і вакаліст Аляксандар Бондараў з Гомелю здабыў спэцыяльны прыз журы.
Гэтым разам беларуская дэлегацыя складалася з канкурсантаў — дуэту «1 блюз 1» і гасьцей — знанай групы «Mojo Blues», узмоцненай лідэрам групы «Svet Boogie Band» Сьвятаславам Хадановічам.
У конкурсе ўдзельнічалі 10 каманд з Польшчы, Чэхіі, Вугоршчыны, Славаччыны, Нямеччыны й Беларусі. Пры гэтым беларусам давялося на хаду мяняць склад: замест аднаго з удзельнікаў дуэту мусіў іграць настаўнік практычна ўсіх гомельскіх блюзмэнаў гітарыст Аляксандар Цыганок. Аляксандар Бондараў — адзін зь ягоных вучняў, якому яшчэ ня споўнілася 17 гадоў. Аднак стаіць ён у блюзе трывала і грунтоўна, займаючыся выкананьнем пераважна карэннага рэпэртуару з дэльты Місысыпі. Нягледзячы на безумоўную маладосьць і адсутнасьць у біяграфіі нейкіх узрушэньняў, якія й дазваляюць ператварыць блюзавае выказваньне ў своеасаблівы маналёг пра лёс і пра сябе, ён выдатна адчувае спэцыфіку гэтай музыкі, яе ўнутраны сьвет, мае добрае адчуваньне стылю. Сьпявае, выкарыстоўвае слайд і, што найбольш істотна, літаральна жыве гэтай музыкай. Усё гэта ў сукупнасьці і прадыктавала выбар міжнароднага журы, якое адзін з двух спэцыяльных прызоў і прысудзіла будучыні беларускага блюзу. А мясцовая FM-станцыя «RSC» адарыла яшчэ і наварочанай магнітолай.
Поўны варыянт артукулу чытайце ў газэце "Наша Ніва"
Дзьмітры Падбярэскі
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў3
Каментары