Беларусь дасягнула еўрапейскага ўзроўню па забяспечанасці гандлёвымі плошчамі, заявіла 21 студзеня на прэс-канферэнцыі ў Мінску начальнік упраўлення арганізацыі гандлю і паслуг Міністэрства гандлю Віялета Бразоўская.
Паводле яе слоў, у 2015 годзе гэты паказчык склаў 574,5 кв. метраў на тысячу жыхароў. За мінулы год ён павялічыўся на 45 кв. метраў.
«Мы ставілі сабе задачу дасягнуць да 1 студзені 2016 года 600 кв. метраў. Аднак з улікам аптымізацыі інвестыцыйных сродкаў, сітуацыі на спажывецкім рынку, запаўнення гандлёвых цэнтраў склалася тая плошча, пра якую я ўжо сказала», — адзначыла Бразоўская.
Паводле яе слоў, для параўнання, у Расіі гэты паказчык складае прыблізна 400 кв. метраў, тады як у Маскве ці Санкт-Пецярбургу — прыкладна тысячу. У Мінску, у цэнтры горада, забяспечанасць складае 800 кв. метраў.
Чыноўніца паведаміла, што ў 2015 годзе колькасць гандлёвых аб'ектаў у Беларусі павялічылася больш як на дзве тысячы і на 1 студзеня склала 65.607. Гандлёвая плошча павялічылася на 440 тыс. кв. метраў і складае 5,4 млн. Колькасць магазінаў павялічылася да 42 тыс., іх плошча складае 4,5 млн. кв. метраў. Адкрыта больш за 100 гандлёвых цэнтраў, іх колькасць павялічылася да 539. У краіне налічваецца 394 рынкі.
«Працягвае развівацца інтэрнэт-гандаль. На сёння ў рэестры 10.923 інтэрнэт-крамы. Увосень было прыблізна 17 тысяч, колькасць скарацілася ў сувязі з тым, што многія інтэрнэт-магазіны не адпавядалі патрабаванням заканадаўства і не ўвайшлі ў рэестр», — растлумачыла Бразоўская.
Паводле яе слоў, Мінгандлю таксама прасочвае сітуацыю з развіццём гандлёвых сетак. «На сёння колькасць суб'ектаў, якія ажыццяўляюць сеткавы гандаль, складае 3.349 (да іх адносяцца сеткі з двух і больш магазінаў). Яны ўключаюць 25.928 аб'ектаў гандлю (61% колькасці ўсіх магазінаў) гандлёвай плошчай 3,9 млн. кв. метраў (83% агульнай гандлёвай плошчы, у тым ліку 26% — у складзе Белкаапсаюза)», — паведаміла Бразоўская. Сярод буйных харчовых сетак яна назвала «Еўраопт», «Карону», «Алмі», «Рублёўскі», «Дабраном», нехарчовых — «АМІ мэбля», «Пінскдрэў», «Востраў чысціні», «Пяты элемент», «Буслік».
Магазінаў крокавай даступнасці плошчай да 300 кв. метраў налічваецца 35.522 (53% агульнай колькасці, 46,8% агульнай гандлёвай плошчы). Магазінаў плошчай звыш 3 тыс. кв. метраў — 84, іх удзельная вага ў агульнай колькасці складае 0,1%.
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў3
Каментары