Колькасць згвалтаванняў у Беларусі за першае паўгоддзе 2017 вырасла на 77%
Колькасць згвалтаванняў і замахаў на згвалтаванне за першае паўгоддзе 2017 вырасла на 77% у параўнанні з аналагічным перыядам мінулага года. Статыстыку публікуе МУС.
З пачатку года ў краіне зарэгістравана 6,5 тысяч цяжкіх і асабліва цяжкіх злачынстваў. Па некаторых відах назіраецца рост (у параўнанні са статыстыкай першага паўгоддзя 2016-га).
Напрыклад, колькасць згвалтаванняў і замахаў на згвалтаванне — плюс 77%, а ўсяго 108 фактаў за паўгода. Хоць за ўвесь 2016-ы было зарэгістравана 137 такіх выпадкаў.
Таксама на 66% вырасла колькасць выпадкаў хабарніцтва (усяго 1267 фактаў), на 40% — па фактах злоўжывання ўладай або службовымі паўнамоцтвамі (238 выпадкаў), і на 33% — па вымагальніцтваў (83 выпадкі).
Як і раней, самым частым злачынствам застаюцца крадзяжы — больш за 16 тысяч выпадкаў за паўгода. Далей ідуць «злачынствы, звязаныя з наркотыкамі» (2,9 тысячы) і незаконны абарот наркотыкаў і псіхатропаў (2,7 тысячы).
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі10
Каментары