Беларускі стартап-хаб Imaguru пасля закрыцця офіса ў Мінску адкрыў штаб-кватэру ў Мадрыдзе
Стартап-хаб Imaguru адкрыў штаб-кватэру ў Мадрыдзе. Пра гэта напісана на старонцы хабу ў фэйсбуку.
«Праз два месяцы з моманту, як стартап-хаб пазбавілі памяшкання ў Мінску, спецыялісты правялі анлайн дэма-дзень акселератара TechMinsk, запусцілі адукацыйную праграму для стартапаў на ранняй стадыі Imaguru Startup Lab, якую скончылі каля 20 беларускіх стартапаў, і правялі 3 хакатоны. Таксама Imaguru ўдзельнічаў у стартап-канферэнцыі Startup Fair у Літве і заключыў партнёрскае пагадненне з Google for startups», — гаворыцца ў паведамленні.
Мяркуецца, што ў найбліжэйшы час хабы з'явяцца ў іншых еўрапейскіх гарадах, у прыватнасці ў Вільні.
Imaguru пачаў працу ў 2013 годзе. Гэта быў першы ў Беларусі клуб для маладых інавацыйных кампаній. За восем гадоў дзякуючы Imaguru з'явілася больш за 300 стартапаў, якія стварылі больш за 3,5 тысячы працоўных месцаў.
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі10
Каментары