Армія РФ замацоўваецца ў Херсонскай вобласці, канстатуе Галоўнае ўпраўленне разведкі Мінабароны Украіны.
«Пуцін не адмаўляецца ад сваіх планаў. Гэтая вайна будзе зацягвацца. З пачатку мая акупацыйныя войскі пачалі ўмацоўваць сваю абарону. Рыхтуюць адпаведныя інжынерныя збудаванні, будуецца нават не адна і не дзве, а трэцяя лінія абароны. І гэта кажа пра тое, што Расійская Федэрацыя хоча застацца надоўга», — паведамілі ў ГУР.
«Пуцін нікому не давярае, нікога не чуе. У яго свае планы аднаўлення Расійскай імперыі. Пуцін не адмаўляецца ад сваіх планаў. Гэтая вайна будзе зацягвацца. Наколькі будзе зацягнутая актыўная фаза, гэта будзе верасень месяц ці гэта будзе кастрычнік, ці гэта будзе да канца года. Гэта залежыць ад нашага супраціву, ад стану нашых сіл абароны і ад той дапамогі якую нам аказваюць», — расказаў прадстаўнік Галоўнага ўпраўлення разведкі Вадзім Скібіцкі.
ГУР прывязвае да 11 верасня — адзіны дзень галасавання ў Расіі — імавернае правядзенне псеўдарэферэндумаў або іншых мерапрыемстваў на акупаваных тэрыторыях.
У той жа час, 7 кастрычніка ў Пуціна 70-ы дзень нараджэння — і вайскоўцы, верагодна, захочуць зрабіць яму «падарунак».
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»9
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары