Пад Гроднам чалавек скарыстаўся надзіманым матрацам, каб выратаваць рыбакоў, якія патрапілі ў бяду
На возеры пад Гроднам выратавальнік прапоўз 12 метраў па лёдзе, каб дапамагчы рыбакам, якія танулі, паведамляе Гродзенскае абласное ўпраўленне МНС. Але змог дапамагчы не ўсім.
Днём 3 снежня чалавек, які праязджаў міма возера ў аграгарадку Луцкаўляны Гродзенскага раёна, пачуў крыкі аб дапамозе: у вадзе знаходзілася двое мужчын.
Мужчына патэлефанаваў ратавальнікам, а сам кінуўся на дапамогу, скарыстаўшы для гэтага надзіманы матрац. Праўда, адзін з рыбакоў пайшоў пад ваду і больш на паверхні не з'явіўся, але другі паспеў зачапіцца за матрац.
Калі пад'ехалі ратавальнікі, то выцягнулі абодвух мужчын на бераг. Брыгада «хуткай дапамогі» шпіталізавала выратаванага рыбака з дыягназам «агульнае пераахаладжэнне», ягонаму ратаўніку меддапамога не спатрэбілася.
Пасля работнікі Таварыства выратавання на водах на адлегласці 70 метраў ад берага знайшлі і дасталі з вады патанулага мужчыну 1952 года нараджэння.
Каментары