Фонд Паўла Латушкі фігуруе сярод арганізатараў Дня Волі ў Варшаве. Пацікавіліся ў палітыка, з якіх сродкаў будзе фармавацца гэты фонд.
Фонд Паўла Латушкі пакуль не юрыдычная асоба, цяпер рыхтуецца яго статут, а пасля чарга дойдзе і да рэгістрацыі.
«На сёння гэта публічная дэкларацыя аб намеры яго стварыць, — кажа палітык. — Аднак ужо цяпер узнікае неабходнасць аказваць падтрымку і дапамогу розным праектам».
Павел Латушка плануе перадаць у Фонд частку сродкаў, атрыманых ім ад прэміі «Салідарнасць» імя Леха Валенсы.
«Таксама данаты, спонсарскую дапамогу, па якую я звяртаюся да канкрэтных замежных кампаній і фізічных асобаў.
Першыя запыты, на якія я пастараўся адрэагаваць — гэта фінансавая падтрымка акцыі да Дня Волі, якая адбудзецца ў Варшаве 23 сакавіка, а таксама новыя пастаноўкі «Вольных Купалаўцаў», — расказаў Павел Латушка «Нашай Ніве».
У Суле адзначылі Купалле. Гасцей было столькі, што на дарогах утварыліся заторы6
Каментары