У Беларусі з 1 лістапада павысяцца цэны на некаторыя маркі цыгарэт, што вырабляюцца ў краіне, і імпартныя цыгарэты ў сярэднім на 1,9-13%.
На цыгарэты вытворчасці ААТ "Гродзенская тытунёвая фабрыка "Нёман" маркі Cooper цэны павышаюцца з 5 200 да 5 300 за пачак, Lucky Strike - з 8 500 да 9 000, Kent - з 10 000 да 10 500, Winston - з 8 700 да 9 200, Pall Mall і Monte Carlo - з 6 200 да 7 000.
Цэны на некаторыя тытунёвыя вырабы ТАА "Тытунь-інвест" таксама павялічацца, да прыкладу, на Camel - з 9 000 да 9 500, Winston - з 8 500 да 9 000.
На імпартныя цыгарэты Richmond з 1 лістапада ўсталёўваюцца цэны 18 000 за пачак, на 1 кастрычніка яны каштавалі 17 200.
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі11
Каментары