Дэмакраты ў Чырвонай кнізе. Вынікі выбараў у Расеі
«Навіны» РТР, насуперак усім законам, проста ў часе галасаваньня паўтаралі, што перамога «Адзінай Расеі» не выклікае сумневаў. Так яно і сталася. «Адзіная Расея» — несумненна правая партыя. Але ні ў кога не павернецца язык назваць яе «заходніцкай». Заходнікі зьніклі з расейскае палітычнае сцэны. Як і наша нацыянальна-дэмакратычная апазыцыя 90-х, заходнікі мерыліся «падцягнуць грамадзтва» да свайго ўзроўню. Прыстасоўвацца да выбарца яны лічылі справай нявартай. Вынік фатальны.
Партыя ўлады, «Адзіная Расея», атрымала ўпэўненую перамогу (37% галасоў). Неспадзяванкай стаў посьпех папулістаў-нацыяналістаў з створанага тры месяцы таму адміністрацыяй Пуціна блёку «Радзіма» (9%) i чарговы ўзьлёт скандаліста Ўладзімера Жырыноўскага (12%). Разам «АдзРа» і яе саюзьнікі-нацыяналісты здабылі па-над дзьве траціны мандатаў, што дае ім магчымасьць уносіць любыя зьмены ў канстытуцыю.
Як кіраўнікі «Радзімы», так і Жырыноўскі ня лічаць беларусаў і ўкраінцаў асобнымі нацыямі, дарэчы. «Мая пазыцыя… простая: мы мусім узьяднацца. Мы падзеленая нацыя» (Сяргей Глазьеў). «Маё стаўленьне да Вашай краіны [Украіны] такое ж, як да сваёй жонкі» (Дзьмітры Рагозін).
Дэмакраты ў Чырвонай кнізе. Вынікі выбараў у Расеі
Барыс Тумар
Каментары