Кіраўнік дзяржавы ў той жа дзень падпісаў указ аб вызваленьні Генадзя Нявыгласа ад пасады кіраўніка Адміністрацыі прэзыдэнта ў сувязь зь пераводам на другую работу.
Біяграфічныя даведкі
Шэйман Віктар Уладзімеравіч нарадзіўся 26 траўня 1958 г. у Салтанішках Воранаўскага раёну Гарадзенскай вобл. Скончыў Благавешчанскае вышэйшае танкавае каманднае вучылішча, Акадэмію МУС. Служыў ва Ўзброеных сілах СССР на Далёкім Усходзе і ва Аўганістане.
З 1987 г. у Беларусі. З 1990 г. – дэпутат Вярхоўнага Савета БССР, сакратар камісіі ВС па пытаньнях нацыянальнай бясьпекі, абароне і барацьебе са злачыннасьцю.
Быў у перадвыбарным штабе Лукашэнкі. Ад 5 жніўня 1994 г. – дзяржаўны сакратар Савету бясьпекі, ад 16 жніўня 1995 г. да 20 сьнежня 1995 г. – в.а міністра ўнутраных спраў РБ і старшыні калегіі МУС Беларусі.
28 лістапада 2000 г. – 29 лістапада 2004 г. – генэральны пракурор, з 20 сакавіка 2006 г. ( на наступны дзень пасьля выбараў -- з 23 сьнежня 2005 г. Шэйман быў кіраўніком перадвыбарчага штабу Лукашэнкі) прызначаны дзяржсакратаром Савету бясьпекі, з 23 сьнежня 2005 г. быў кіраўніком перадвыбарчага штабу Лукашэнкі.
Імя Шэймана згадвалася ў зьвязку са зьнікненьнем вядомых людзей Беларусі (Захаранкі, Ганчара, Красоўскага, Завадзкага), у красавіку 2006 г. яму быў забаронены ўезд у ЗША і краіны Эўразьвязу.
***
Скончыў Маскоўскае вышэйшае памежнае вучылішча (1975), Вышэйшую школу КДБ (1989), з 1975 г. знаходзіўся на пасадах апэатыўнага і кіруючага складу Усходняй пагранічнай акругі СССР, з 1997 г. намесьнік старшыні Дзяржаўнага камітэту памежных войск, зь лістапада 2000 г. – начальнік службы бясьпекі прэзыдэнта Рэспублікі Беларусь.
З 12 верасьня 2001 г. – на трэці дзень пасьля прэзыдэнцкіх выбараў – прызначаны дзяржаўным сакратаром Савету бясьпекі. 20 сакавіка 2003 г. абраны старшынёй Асацыяцыі «Беларуская фэдэрацыя футболу».
4 студзеня 2006 г. прызначаны кіраўніком Адміністрацыі прэзыдэнта.
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі5
Каментары