Па ініцыятыве сталічных уладаў усё лета ў Мінску будуць праходзіць дні нацыянальных культур. 10 чэрвеня ля мінскай Ратушы святкаваўся Дзень Расіі. Жыхароў і гасцей сталіцы на плошчы Свабоды забаўлялі вакальныя і танцавальныя калектывы з шматлікіх рэгіёнаў Расіі. Кожны ахвотны мог пачаставацца абаранкам, кашай і набыць традыцыйныя рускія сувеніры — ад гжэлі і матрошак да паўлаўскіх хустак.
Паміж гандлёвымі шэрагамі хадзілі скамарохі і раздавалі абаранкі. Часам у натоўпе з'яўляліся людзі ў камуфляжы са стужкамі колераў расійскага сцягу. На прыступках ля сцэны за натоўпам назірала некалькі казакоў.
Ад колераў і разнастайнасцяў строяў удзельнікаў магло застракацець уваччу, але гэта была і адна з мэтаў дня Расіі ў Мінску — паказаць шматнацыянальны склад краіны. Сярод актыўнасцяў для гледачоў былі традыцыйныя рускія народныя забавы: гіравы спорт, перацягванне канатаў ды кулачныя баі.
Тыдзень таму ля Ратушы прайшоў Дзень Швецыі, а расклад да канца лета наступны:
17 чэрвеня — Дзень культуры Казахстана
24 чэрвеня — Дзень культуры Літвы.
29 ліпеня — Дзень культуры Фінляндыі.
5 жніўня — Дзень культуры Карэі.
12 жніўня — Дзень культуры Азербайджана
19 жніўня — Дзень культуры Украіны.
26 жніўня — Дзень культуры Арменіі.
27 жніўня — Дзень культуры Індыі.
2 верасня — Дзень культуры Грузіі.
16 верасня — Дзень культуры Польшчы.
17 верасня — Дзень яўрэйскай культуры.
-
У афіцыйны Пантэон герояў запісалі тэрарыста, але там не будзе франтавіка Васіля Быкава. Затое будзе праваслаўны, які Хрысту ногі рэзаў
-
Міністр культуры Руслан Чарнецкі сыграе Астапа Бендэра ў спектаклі «12 крэслаў»
-
Рэстаўратары аднавілі капліцу ў сядзібе Агінскіх. Яе раскрытыкавалі за недакладнасці
Чаго чакае Польшча ад Мінска і ці закрые зноў мяжу на гэтым тыдні?26
Каментары