Асноўнае на гэты момант: людзі на вуліцах ва ўсёй Беларусі, больш за 1000 затрыманых. Сілавікі разграмілі мемарыял на плошчы Перамен
Дзясяткі тысяч мінчукоў выйшлі на вуліцы памяці замучанага Рамана Бандарэнкі.
Сілавікі не далі сфармавацца калонам, але дэманстранты сцякаліся па дзясятках вуліц, а аўтамабілісты запаланілі горад сігналамі.
Жыхары заходніх і паўночных кварталаў Мінска сталі сведкамі драматычных сцэн.
Супраць дэманстрантаў у Мінску ўжывалі святлошумавыя гранаты і слезацечны газ. Ёсць параненыя.
Колькасць затрыманых, па наяўнай інфармацыі, перавысіла 1000 чалавек.
Пратэсты зноў ахапілі ўсю Беларусь: выйшлі Гомель, Віцебск, Гродна, Баранавічы, Ліда, Салігорск, Маладзечна, Жодзіна ды іншыя гарады.
Бліжэй да вечара сілавікі разграмілі мемарыял Рамана Бандарэнкі на Плошчы Перамен…
…і зладзілі аблаву ў квартале вакол яе.
У гэты момант яны працягваюць вобшукі пляцовак і кватэр у навакольных дамах.
Вядома, што сярод затрыманых сёння — два выбітныя анколагі з РНПЦ імя Аляксандрава, у тым ліку намеснік дырэктара цэнтра, і вядомы выдавец Барыс Пастарнак.
Цяпер чытаюць
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў9
Каментары