Умовай нафтавага пагадненьня была адмена абмежаваньняў для расейскага бізнэсу
Расея і Беларусь у самы блізкі час падпішуць дамову пра адмену пары дзясяткаў абмежаваньняў для расейскага бізнэсу ў Беларусі. Цана гэтага пагадненьня складзе парадку $0,5 млрд.
Вось што паведамляе ІТАР-ТАСС:
“Расея і Беларусь у самы блізкі час падпішуць дамову пра адмену пары дзясяткаў абмежаваньняў для расейскага бізнэсу ў Беларусі. Як паведаміла крыніца, блізкая да перамоваў, паводле ацэнак экспэртаў, цана гэтага пагадненьня складзе парадку $0,5 млрд.
«Напярэдадні ў часе перамоваў было парафіраванае пагадненьне пра адмену абмежаваньняў на тэрыторыі Беларусі і прывядзеньне тамтэйшых умоваў у адпаведнасьць з нормамі й правіламі СГА», — сказала крыніца. Паводле ягоных словаў, у бліжэйшы час будуць падпісаныя распараджэньні ўрадаў дзьвюх краінаў і ў самы блізкі час такое пагадненьне будзе падпісанае. «У Беларусі такім чынам будуць адмененыя парадку сарака ўказаў і дэкрэтаў прэзыдэнта Беларусі й парадку дваццаці пастановаў ураду», — адзначыла яна”.
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах11
Каментары